Seniorrådgjevar/prosjektleiar

<p><strong>Ønsker du å påverke framtidas mobilitetsløysingar i Vestland og fylle kvardagen med samfunnsnyttige og meiningsfulle arbeidsoppgåver?</strong> Då er dette jobben for deg. Skyss jobbar aktivt med å tilby våre kundar eit godt og berekraftig reisetilbod med buss, bybane, båt og ferje i Vestland, og tenestene vert utført av operatørselskap som Skyss har avtale med. </p><p><strong>Vi har no ledig ei fast stilling som seniorrådgjevar/prosjektleiar</strong>. Stillinga inneber mellom anna å ha prosessansvar for transportanskaffingar i Skyss.<br /></p><br /> <h3>Arbeidsoppgåver</h3><p><strong>Vår nye seniorrådgjevar/prosjektleiar</strong> vil spele ei sentral rolle i å realisere Skyss sine strategiar. Hovudvekta av arbeidet vil vere prosjektleiing, ved anskaffingar av tenestekontraktar for buss, båt og ferje. Anskaffingsprosjekta i Skyss er ofte langvarige og komplekse og krev tydeleg prosessleiing og god samhandling med ulike kompetansemiljø. Ein vesentleg del av rolla er planlegging av aktivitetar og koordinering av dei ulike fagavdelingane som bidreg inn i prosjekta. Vidare vil du utarbeide konkurransegrunnlag, sikre nødvendige strategiske avklaringar og politisk forankring, samt gjennomføre marknadsdialog og delta aktivt i bransjesamarbeid. </p><p>Resultatet av arbeidet er kontraktar som sikrar innbyggjarane i Vestland berekraftige transporttenester av høg kvalitet. </p><h3>Kvalifikasjonar (overskrift)</h3><p><strong>Vi søker deg</strong></p><ul><li>med høgare relevant utdanning på masternivå – som kan vise til gode resultat i utdanning og arbeid</li><li>med erfaring innan prosjekt- /prosessleiing av komplekse prosjekt</li><li>med kompetanse og erfaring innan offentlege anskaffingar</li></ul><p>Det er ein fordel om du kan vise til</p><ul><li>sertifisering innan prosjektleiing</li><li>kontraktskompetanse </li><li>juridisk kompetanse</li></ul><h3></h3><p><strong>Vi ser etter deg</strong> som har evne til å omsette strategiske mål til konkrete aktivitetar og resultat, både sjølvstendig og i samarbeid med andre. Du må ha evne til å leie kunnskapsmedarbeidarar innanfor ulike fagfelt, og sjå samanhengane mellom fagfelta i ein større heilskap. Du handterer krevjande situasjonar med godt pågangsmot, og tek nødvendige avgjerder som fører prosjektet vidare, innanfor rammene av mandatet ditt og ofte innan korte tidsfristar. Du må stå stødig i hektiske periodar og pårekne noko arbeid utover normal arbeidstid i periodar. I denne rolla vil du få høve til å ta ansvar og bidra aktivt, i eit miljø prega av tillitt og samarbeid.</p><p>Du må i tillegg ha sterk formidlingsevne, skriftleg og munnleg, og aktivt bruke dine relasjonelle eigenskapar til å skape positive prosessar og samarbeid – både eksternt og internt. I tillegg må du vere strukturert, open, fleksibel og engasjert. Du bør også ha interesse for politiske prosessar. Personlege eigenskapar vil bli tillagt stor vekt i denne stillinga.</p><h3></h3><p><strong>Hos oss i Skyss</strong>  er vi mange som jobbar for å utvikle gode kvardagsreiser for oss som bur og reiser i Vestland!</p><p>Vi tilbyr:</p><ul><li>Ei fagleg utfordrande og spennande stilling med stor samfunnspåverknad</li><li>Eit engasjert arbeidsmiljø med hyggelege kollegaer som har brei og variert fagbakgrunn</li><li>Ein sosial og inkluderande arbeidsplass</li><li>Moglegheit til å bygge nettverk og utvikle seg fagleg</li><li>Fleksibel arbeidstidsordning og høve til delvis heimekontor</li><li>Løn etter avtale</li><li>Gode offentlege pensjons- og forsikringsvilkår<br /></li></ul><h3>Kontaktinformasjon</h3>Karl Inge Nygård, leiar, 93088971<br /> <h3>Arbeidsstad</h3>Lars Hilles gate 22<br /> 5020 Bergen<br /> <h3>Nøkkelinformasjon:</h3>Arbeidsgivar: Vestland fylkeskommune<br /> <br /> Referansenr.: 5151579946<br /> Stillingsprosent: 100%<br /> Fast<br /> Søknadsfrist: 16.08.2026<br /> <br />