Reinhaldsoperatør

<h2>Vil du vere med å skape gode og trivelege miljø i kommunale bygg?</h2><p>Reinhald er meir enn å berre vaske! Å gjere reint krev kunnskap, teknikk og ikkje minst evne til å vurdere kor vidt ei flate er rein eller ikkje. Riktig utført reinhald skapar eit godt arbeids- og innemiljø, og er ein viktig del av å førebyggja sjukdom og hindre spreiing av smitte.</p><p>Tysnes kommune søker no etter ein dedikert og påliteleg reinhaldsoperatør/reinhaldsmedarbeidar til reinhaldsavdelinga vår, som består av 11 tilsette inkludert leiar.</p><p>Stillinga vil inngå i eit team av reinhaldsoperatørar/reinhaldarar som har ansvar for dagleg og periodisk reinhald på kommunale bygg. Som reinhaldar må du rekna med å veksla mellom oppdraga på dei ulike bygga. Dette vert koordinert av reinhaldsleiar. Stillinga er 80 % fast og har arbeidstid på 7,5 timar per dag, innanfor tidsrommet kl. 06–17 på kvardagar. Arbeidstida kan organiserast i ulike vakter innanfor dette tidsrommet. </p><br /><h2>Arbeidsoppgåver</h2><ul><li>Utføre dagleg og periodisk reinhald i samsvar med planar og behov</li><li>Bruke IT‑verktøy for dokumentering</li><li>Arbeide etter hygieniske og miljømessige krav og retningsliner</li><li>Følge rutinar for HMT</li><li>Kunne veksle mellom oppdrag på ulike bygg</li></ul><br /><h2>Kvalifikasjonar</h2><ul><li>Fagbrev som reinhaldsoperatør</li><li>Relevant og brei reinhaldserfaring innanfor profesjonellt reinhald kan kompensera for manglande fagbrev. </li><li>God kjennskap til reinhaldsstandard, ulike reinhaldsmetodar, smittereinhald og bruk/vedlikehald av maskinar og utstyr. </li><li>Førarkort klasse B, og mogelegheit til å disponere eigen bil. </li><li>Du må beherske norsk skriftleg og munnleg på minimum B1-nivå.</li><li>Grunnleggjande IT-kunnskapar </li></ul><p>Politiattest må leggast fram ved tilsetjing jf. opplæringslova § 17-11 og barnehagelova § 30. </p><br /><h2>Personlege eigenskapar</h2><p>Me ser etter deg som:</p><ul><li>er serviceinnstilt, positiv og løysingsorientert</li><li>jobbar nøyaktig og følgjer rutinar</li><li>tek ansvar for eige arbeid og kvaliteten på jobben du gjer</li><li>trivst med fysisk arbeid</li><li>har god samarbeidsevne, er omgjengeleg og likar varierte utfordringar</li></ul><p>Personlege eigenskapar vert tillagt stor vekt. </p><br /><h2>Kvifor skal du jobba hos oss?</h2><p>Høyres det gjevande ut å arbeida på ein plass med eit inspirerande og viktig samfunnsmandat? Då trur me du vil trivast hos oss! Hos oss får du sjølvstendige og utfordrande arbeidsoppgåver i eit fagleg stimulerande og hyggeleg miljø.</p><p>Stillinga er som reinhaldar, med lønsplassering i kapittel 4 (0–16 års ansiennitet). Løna blir justert årleg gjennom sentrale forhandlingar, og enkelte år òg lokalt. </p><p>Tilsetjing hos oss gjer deg medlemskap i KLP - Kommunal Landspensjonskasse. Det betyr blant anna at du får ein av dei beste pensjonsordningane i Noreg og mogelegheit til å søke om bustadlån med gunstige vilkår. </p><p>I Tysnes kan du få inntil kr 25 000 i årleg avskriving av studielånet ditt frå og med 2026. Som arbeidstakar og busett i ein distriktskommune kan du ha rett til å få sletta delar av studielånet gjennom <a href="https://lanekassen.no/nb-NO/gjeld-og-betaling/sletting-av-gjeld-i-utvalgte-kommuner/" rel="nofollow">Lånekassen si nye ordning for distriktskommunar. </a><br /><br />Synest du stillinga verkar spennande, eller har du spørsmål? Ta gjerne kontakt med kontaktpersonane som står oppført i annonsen. </p><br /><h2>Informasjon til søkar</h2><p>Søkar har sjølv ansvar for å laste opp alle relevante vedlegg innan søknadsfristen. For at søknaden skal bli vurdert, må du legge ved dokumentasjon på utdanning og arbeidserfaring, som vitnemål og tenestebevis/arbeidsattestar. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må du laste opp attesterte omsettingar.<br /><br />Du må sende inn søknaden via Jobbnorge. Søknadar som kjem inn på andre måtar, til dømes på e‑post eller til postmottak, blir ikkje vurderte.</p><p>Ønske om unntak frå den offentlege søkarlista blir vurdert etter reglane i offentleglova. Søkarar som ber om slikt unntak, blir varsla dersom ønsket ikkje kan takast til følge.</p><p>Tysnes kommune ønsker å spegle mangfaldet i befolkninga i rekrutteringa vår. Me oppmodar alle kvalifiserte kandidatar til å søke ledige stillingar uavhengig av kjønn, alder, funksjonsnedsetting eller fleirkulturell bakgrunn. Det same gjeld dersom ein har hatt eit lengre opphald frå arbeidslivet. Me ønsker å legge til rette for ei inkluderande rekruttering.</p><br />