Regional prosjektleiar – Nasjonaljubileet 2029 i Møre og Romsdal

<p><strong>Vinteren 1028-1029 flykta kong Olav Haraldsson frå sine fiendar inn Storfjorden, gjennom Valldal og vidare over fjella til Lesja på veg mot eksil.</strong></p> <p>Tusen år seinare skal denne historia løftast fram når Møre og Romsdal markerer Nasjonaljubileet i 2029 med tema folketradisjon, året før den store nasjonale markeringa på Stiklestad i 2030. Saman er vi Nasjonaljubileet 2030 -- Noreg i 1000 år.</p> <p>Vi søkjer etter ein samlande og initiativrik regional prosjektleiar som ikkje berre koordinerer, men som aktivt utviklar, sett i gang og driv arbeidet framover mot markeringa i Møre og Romsdal. Du får ei sentral rolle i å samle kommunar, institusjonar, tru- og livssynsaktørar, frivillige og næringsliv til ei markering som både engasjerer regionalt og blir synleg nasjonalt.</p> <p><strong>Om stillinga</strong></p> <p>Som regional prosjektleiar får du ansvar for å planleggje og gjennomføre markeringa av Nasjonaljubileet 2029 i Møre og Romsdal.</p> <p>Du skal initiere samarbeid, stimulere til aktivitetar i heile fylket og bidra til at historia og folketradisjonane i Møre og Romsdal får ein tydeleg plass i jubileet. Arbeidet skjer i tett samarbeid med prosjektgruppe, ressursgrupper, styringsgruppa, den nasjonale jubileumsorganisasjonen og ei rekkje regionale samarbeidspartnarar.</p> <p><strong>Arbeidsoppgåver</strong></p> <ul><li> <p>leie planlegging og gjennomføring av Nasjonaljubileet 2029 i Møre og Romsdal</p> </li><li> <p>initiere, utvikle og koordinere aktivitetar og arrangement som styrkar jubileet, i samarbeid med lokale og regionale aktørar</p> </li><li> <p>byggje nettverk og skape samarbeid mellom kommunar, tru- og livssynsaktørar, kulturinstitusjonar, frivillig sektor og næringsliv, som kan føre til varig verdiskaping</p> </li><li> <p>bidra til synleggjering av Møre og Romsdal si historie og kultur i jubileumsmarkeringa</p> </li><li> <p>sikre framdrift, utvida finansiering, koordinering og god forankring i arbeidet</p> </li></ul> <p><strong>Kven vi ser etter</strong></p> <p>Vi ser etter deg som</p> <ul><li> <p>har erfaring med planlegging og gjennomføring av større prosjekt eller arrangement</p> </li><li> <p>har god samfunnsforståing og interesse for kultur, historie og samfunnsutvikling</p> </li><li> <p>trivst med å jobbe sjølvstendig, samtidig som du samarbeider godt med andre</p> </li><li> <p>er ein relasjonsbyggar som tek tydeleg initiativ og skaper framdrift i samarbeid med andre</p> </li><li> <p>arbeider strukturert og målretta</p> </li></ul> <p>Relevant høgare utdanning er ein fordel, men ikkje eit krav. Lang og relevant erfaring kan kompensere for manglande utdanning. Personlege eigenskapar vil bli vektlagt.</p> <p><strong>Vi tilbyr</strong></p> <ul><li> <p>ei sentral rolle i eit nasjonalt jubileum med regionalt ansvar</p> </li><li> <p>moglegheit til å løfte fram Møre og Romsdal sin plass i historia</p> </li><li> <p>eit engasjert fagmiljø og samarbeid med aktørar over heile landet</p> </li><li> <p>varierte, utfordrande og meiningsfulle arbeidsoppgåver</p> </li></ul> <p><strong>Arbeidsstad og vilkår</strong></p> <p>Arbeidsstaden er Valldal i Fjord kommune, Møre og Romsdal, der prosjektet har si base. Valldal har ei særleg historisk tilknyting til jubileet gjennom flukta til Olav Haraldsson i 1029.</p> <p>Noko reiseverksemd må påreknast, og søkjar må disponere eigen bil. Det kan leggjast til rette for noko fleksibilitet når det gjeld arbeidsstad. Stillinga er ei treårig prosjektstilling.</p> <p>Lønn etter avtale og kvalifikasjonar.</p> <p>Gode pensjons- og forsikringsordningar.</p> <p><strong>Søk stillinga</strong></p> <p>Vil du vere med å forme korleis Møre og Romsdal skal markere Noreg i 1000 år?</p> <p>Send oss søknad og CV som fortel kven du er og kvifor denne stillinga passer for deg. Vi ser etter deg som har ideane, energien og gjennomføringskrafta til å gjere Nasjonaljubileet 2029 til ei oppleving heile fylket vil hugse. Aktuelle kandidatar vil bli kalla inn til intervju.</p>