Rådgjevar

<h2>Om stillinga</h2><p>Avdeling for forvaltningsutvikling har ei ledig stilling som rådgjevar i Seksjon for statsforvaltarar og berekraft. Vi søkjer ein rådgjevar som vil vere med å vidareutvikle styringa av statsforvaltarane og Statsforvalteren sine fellestenester. </p><p>Statsforvaltaren er staten sin represent i fylka, med 10 verksemder over heile landet. Dei utfører forvaltningsoppgåver for departementa, kontrollerer kommunane si verksemd og er klageinstans for kommunale vedtak. Digitaliserings- og forvaltningsdepartementet</p><p>(DFD) har det administrative ansvaret for statsforvaltarane. I tillegg samordnar DFD departementa og direktorata som gir oppgåver til statsforvaltaren. DFD etatsstyrer også Statsforvaltarens fellestenester (STAF), som leverer tenester til statsforvaltarane.</p><p>I denne stillinga vil du få delta i etatsstyringa av statsforvaltarane og STAF. Du vil samarbeide tett med kollegaer i seksjonen og samstundes ha ein brei kontaktflate internt i DFD, mot andre departement og direktorat/tilsyn i styringa. Samordningsrolla vår er i utvikling, og vi tek ei breiare og meir aktiv rolle i styringa av sektoren. Vi er òg i gang med eit større utviklingsarbeid for å skape betre balanse mellom statsforvaltarane sine oppgåver og ressursar, samt å leggje til rette for meir heilskapleg styring. Dette gir spennande utviklingsoppgåver i seksjonen og gode moglegheiter til å påverke retning, men inneber òg periodar med høgt tempo.</p><br /><h2>Arbeidsoppgåver</h2><p>Stillinga vil i hovudsak innebere</p><ul><li>å delta i etatsstyring av statsforvaltarane og STAF</li><li>saksbehandling av budsjett- og økonomisaker for statsforvaltarane og STAF</li><li>å følgje opp Riksrevisjonssaker</li><li>å delta i utviklingsprosjekt som ein del av etatsstyringa</li><li>å delta i seksjonen sine andre styringsoppgåver</li></ul><br /><h2>Kvalifikasjonar</h2><p>Du må ha:</p><ul><li>fullført mastergrad innan fortrinnsvis økonomi. Andre relevante samfunnsvitskaplege fagretningar kan òg vere aktuelle</li><li>minst tre års relevant erfaring </li><li>god økonomiforståing og evne til å trivast med å jobbe med tal</li><li>interesse for offentleg sektor og statleg styring</li><li>svært god skriftleg og munnleg framstillingsevne</li></ul><p><br />Det er ønskjeleg at du har:</p><ul><li>relevant erfaring frå offentleg sektor</li><li>kompetanse og erfaring med samordning</li></ul><p><br /><strong>Personlege eigenskapar</strong><br />Arbeidskvardagen er variert, og du må evne å arbeide sjølvstendig, strukturert og langsiktig, samstundes som du handterer periodar med høgt tempo og mange oppgåver samtidig. Vi ser etter deg som kommuniserer godt og likar å samarbeide. </p><p>I tillegg ser vi etter deg som</p><ul><li>har god rolleforståing</li><li>evnar å skape oversikt og kan sørgje for framdrift i eigne saker</li><li>er fleksibel, hjelper til der det trengst og bidreg til eit godt arbeidsmiljø</li></ul><p>Vi vil leggje stor vekt på om du er personleg eigna for stillinga. <br />Utdanning og erfaring må dokumenterast med CV, vitnemål og attestar.</p><br /><h2>Vi tilbyr </h2><p>Vi ønskjer deg velkomen inn i eit arbeidsfellesskap med dyktige kollegaer som er stolte av jobben sin.</p><p>Vi tilbyr: </p><ul><li>kompetanseutvikling i eit sterkt fagmiljø </li><li>fleksibel arbeidstid, betalt overtid og sommar-/vintertid </li><li>moglegheit for trening i arbeidstida</li><li>medlemskap i Statens pensjonskasse med gode låne-, forsikrings- og pensjonsordningar</li><li>eit aktivt sosialt miljø med mange tilbod til dei tilsette og eige bedriftsidrettslag</li></ul><p><strong>Løn</strong>: Stillinga blir lønt som rådgjevar i lønnsspennet 680 000-800 000 kroner per år. Lønsplasseringa er avhengig av erfaring og kvalifikasjonar. Det blir trekt 2 prosent frå løna til innskot til Statens pensjonskasse.</p><p><strong>Autorisasjon</strong>: Tilsette i Digitaliserings- og forvaltningsdepartementet må kunna autoriserast for tilgang til informasjon BEGRENSET etter tryggingslova. Les meir om autorisasjon <a href="https://nsm.no/fagomrader/personellsikkerhet/sikkerhetsklarering/autorisasjon/" rel="nofollow">her</a>.</p><br /><h2>Vi er opptekne av</h2><p>Mangfold er ein styrke og gjer at vi kan løysa oppgåvene våre endå betre. Derfor ønskjer vi oss medarbeidarar med ulike kompetansar, fagkombinasjonar, livserfaringar og perspektiv. Har du funksjonsnedsetjing, hol i CV-en eller innvandrarbakgrunn, oppmodar vi deg som søkjar til å kryssa av i jobbsøkjarportalen. Er det kvalifiserte søkjarar, kallar vi inn minst éin i kvar gruppe til intervju, og får du jobben, legg vi til rette for deg om du treng det. Avkryssingane i jobbsøkjarportalen blir ikkje brukt til noko anna enn anonymisert statistikk som statlege verksemder rapporterer i årsrapportane sine.</p><br /><h2>Informasjon til deg som søkjer </h2><ul><li>Søknad med CV skal sendast elektronisk via lenkje på denne sida. Fyll ut CV-felta i portalen (sjølv om du legg ved ein ferdig utfylt CV). Dette er nødvendig for mellom anna å oppfylle kravet om fullstendige søkarlister. Vi ber også om at du lastar opp vedlegg (vitnemål, kurs/sertifiseringar og arbeidsattestar). Utdanning frå utlandet må dokumenterast med godkjenning frå NOKUT eller HK-dir.</li><li>DFD samarbeider med Semac om bakgrunnssjekk av aktuelle kandidatar. Bakgrunnssjekken blir gjennomført etter samtykke frå deg som søkjar og inneber at vi verifiserer CV og annan søknadsdokumentasjon i samband med tilsetjinga.</li><li>Vi gjer merksam på at opplysninga om at du er søkjar, kan bli gjort offentleg sjølv om du har bede om å ikkje bli ført opp på søkjarlista, jf. offentleglova § 25. Du vil bli informert før offentleggjeringa og få høve til å trekkje søknaden.</li></ul><p><strong>Kontaktperson: </strong>For nærmare opplysningar om stillinga kan du ta kontakt med avdelingsdirektør, Arnfrid Arthur på tlf 93217407 eller e-post <a href="mailto:Arnfrid.Arthur&#64;dfd.dep.no" rel="nofollow">Arnfrid.Arthur&#64;dfd.dep.no</a>. </p><p>For nærmare opplysningar om rekrutteringsprosessen kan du ta kontakt med rekrutteringsrådgivar Annabel Tveit på tlf 97959303 eller <a href="mailto:annabel.tveit&#64;dss.dep.no" rel="nofollow">annabel.tveit&#64;dss.dep.no</a>. </p><br />