Rådgivar - sakshandsaming, val og utvikling

<p><strong>Vil du arbeide tett på leiing, politikk og utvikling i ein kommune med høge ambisjonar?<br /><br /></strong> Ulstein kommune søkjer ein trygg og strukturert rådgivar som vil bidra til god sakshandsaming, ryddige prosessar og vidare utvikling av interne arbeidsformer.</p><p>Stillinga er plassert i sentraladministrasjonen og byr på varierte oppgåver innan sakshandsaming, politiske prosessar, valgjennomføring, avtaleoppfølging og interne utviklingsprosessar.</p><p>Du vil samarbeide tett med leiarar og fagmiljø på tvers av organisasjonen, og vere ein viktig støttespelar i arbeidet med å sikre kvalitet, struktur og gode avgjerdsgrunnlag.</p><p>Dette er ei generalistrolle der juridisk kompetanse og god kjennskap til offentleg forvaltning er ein fordel.</p><h3>Arbeidsoppgåver</h3><ul><li>utarbeide, koordinere og følgje opp saker som går på tvers av tenesteområde, mellom anna høyringar, løyve, næringssaker, avtalar, grunnerverv og samferdselssaker</li><li>støtte leiarar og fagmiljø i arbeidet med saksframlegg, administrative vedtak, klagesaker og høyringssvar</li><li>ha systemansvar for oppdatering og vedlikehald av reglement, delegeringsreglement, rutinar og interne prosedyrar</li><li>overordna valansvarleg som omfattar planleggjing og gjennomføre val i samarbeid med andre aktuelle einingar og fagmiljø</li><li>følgje opp innkjøpssamarbeid, avtalar og kontraktar der kommunen har behov for administrativ støtte</li><li>følgje opp avtalar mot næringslivet der kommunen er part</li><li>bidra i interne utviklings- og forbetringsprosessar knytt til organisering, arbeidsflyt og ansvarsavklaringar</li><li>gi råd og støtte innan personvern, risikovurderingar og vurdering av personvernkonsekvensar ved behov</li></ul><h3>Kvalifikasjonar</h3><ul><li>relevant høgare utdanning innan jus, offentleg forvaltning, samfunnsfag, økonomi, administrasjon, organisasjon eller tilsvarande</li><li>erfaring frå kommunal eller annan offentleg forvaltning er ønskjeleg</li><li>god kjennskap til sentrale regelverk som forvaltningslova, offentleglova og kommunelova</li><li>god forståing for krav til habilitet, teieplikt og dokumentinnsyn</li><li>god skriftleg framstillingsevne på nynorsk</li><li>erfaring med politiske prosessar, prosjektarbeid, kvalitetssystem, sak- og arkivsystem eller forbetringsarbeid er ein fordel</li><li>erfaring med innkjøp, avtalar eller kontraktsoppfølging er ønskjeleg</li><li>juridisk kompetanse er ein fordel, men ikkje eit krav</li></ul><h3>Personlege eigenskapar</h3><p>Vi ser etter deg som:</p><ul><li>arbeider strukturert, tek ansvar og får saker ferdig</li><li>har god vurderingsevne og forståing for rolla til administrasjonen i ein politisk styrt organisasjon</li><li>kommuniserer klart, presist og tillitsskapande, både munnleg og skriftleg</li><li>trivst med ei variert arbeidskvardag og handterer fleire oppgåver samtidig</li><li>samarbeider godt med ulike fagmiljø og byggjer gode relasjonar</li><li>er løysingsorientert og ser moglegheiter for forbetring og utvikling</li></ul><h3>Vi tilbyr</h3><ul><li>ei sentral rolle tett på kommunen si leiing</li><li>varierte, utfordrande og meiningsfulle arbeidsoppgåver</li><li>høve til å påverke struktur, kvalitet og utvikling i organisasjonen</li><li>eit fagleg sterkt arbeidsmiljø med engasjerte kollegaer</li><li>løn etter avtale og gode pensjons- og forsikringsordningar</li></ul><p>Ulstein kommune er ein framoverlent kommune. Vi arbeider for å gi innbyggjarane gode tenester, sikre god styring og utvikle kommunen i lag med tilsette, folkevalde, innbyggjarar og samarbeidspartar. Vi ønskjer søkjarar med ulik bakgrunn, kompetanse og erfaring. Tilsetjing skjer på vanlege kommunale vilkår.</p><h3>Kontaktinformasjon</h3><p>Jarl Martin Møller, Kommunedirektør, &#43;47 97506761</p><h3>Arbeidsstad</h3><p>Sjøgata 63<br />6065 ULSTEINVIK</p><h3>Nøkkelinformasjon:</h3><p>Arbeidsgivar: Ulstein kommune<br /> <br />Referansenr.: 5152118481<br />Stillingsprosent: 100%<br />Fast<br />Søknadsfrist: 16.08.2026</p>