Ny utlysing - Leiar fritidsklubb

<h3>Vil du vere med å gje tilbod om eit trygt og godt aktivitetstilbod for barn og unge i Hyllestad? </h3><p> </p><p>Hyllestad kommune vil halde fram med tilbod om fritidsklubb for barn og ungdommar i 5. - 10. klasse. Vi har opent ein ettermiddag i veka etter skuletid og fram til kl. 18.00.  Klubben nyttar sosialt rom i Hyllestadhallen som base.</p><p>Føremålet med klubben er å skape ein meiningsfull sosial arena der ungdommar og større barn kan vere saman med jamaldrande og trygge vaksne. Dei unge får vere med å ta avgjerd om aktivitetar og innhald i tilbodet. <br />Kvar gong skal det serverast eit varmt måltid som nokre av barna er med på å lage. <br />Fritidsklubben er ein viktig arena for utvikling av sosial kompetanse.</p><p>Hyllestad kommune har ledig fast stilling som leiar for fritidsklubben, 13,33 % stilling, frå 10.august 2026. Arbeidstid per veke utgjer 5 timar, inkludert føre- og etterarbeid/planlegging. Aktivitetstilbodet følgjer skuleruta.</p><h4>Arbeidsoppgåver</h4><ul><li>Planlegge og drifte fritidsklubben i samarbeid med kommunalsjef og dagleg leiar for frivilligsentralen og andre relaterte samarbeidspartnarar.</li><li>Planlegge og gjennomføre fritidsaktivitetar i samarbeid med deltakande barn/ ungdom og medarbeidarar</li><li>Planlegge og tilrettelegge for felles varmt måltid</li><li>Dialog og samarbeid med føresette</li></ul><h4>Kvalifikasjonar</h4><ul><li>Relevant utdanning innan barne – og ungdomsarbeid, helse- og sosialfag, pedagogikk eller liknande.</li><li>Annan relevant utdanning og/ eller praksis kan vurderast.</li><li>Gode norskkunnskapar, både skriftleg og munnleg.</li><li>Personlege eigenskapar vil bli vektlagt.</li></ul><p>Den som vert tilsett må kunne legge fram tilfredsstillande politiattest og helseattest.</p><h4>Personlege eigenskapar</h4><p>Du er ein utadvendt, påliteleg, trygg og tydeleg vaksen - med eit stort hjarte for barn og unge.<br />Du har god kunnskap om, og er interessert i, kva dagens barn/ungdom er opptekne av.<br />Du har gjerne ulike ferdigheiter eller interesser som kan vere relevant for klubben sine tilbod (til dømes innan handverk, data, friluftsliv, kunst, musikk)<br />Du er god på relasjonar, flink til å lytte, kommuniserer godt med barn og ungdom og vil bidra til å skape eit godt og inkluderande miljø.</p><h4>Vi kan tilby</h4><p>Ei stilling der du kan gjere ein forskjell i Hyllestadsamfunnet.<br />Pensjonsordning i KLP.<br />Løn etter kvalifikasjonar og tariff.</p> <br /> Link til søknadsskjema: <a href="https://hyllestad.easycruit.com/vacancy/application/3639171/141667?channel&#61;NavRest&amp;iso&#61;nn" rel="nofollow">Søk her</a>