Lyst å jobbe på legevakt ?

<p>Me har nå ein ledig fast sjukepleiarstilling ved Etne og Vindafjord interkommunale legevakt. Stillinga er 20%, med arbeid kvar 3. helg, og nokon bevegelige heilagdagar. Ekstravakter vil også vera mogleg. Er du klar for å ta del i eit team der du er heilt avgjerande for tryggleiken og helsa til innbyggarane våre - akkurat når dei treng det mest? Me søker deg som ønsker å kombinera faglege utfordringar med ei stilling som gir meining, meistring og moglegheiter.</p><p><strong>Kvifor arbeidet betyr noko:</strong></p><div><div><div><div><p>Når folk opplever noko akutt og uventa, er det ofte oss dei møter først. Di evne til å handle raskt, kommunisere klart og vise omsorg – kan vera avgjerande for korleis pasientar og pårørande opplever krisa dei står i. Hjå oss får du bruka både hovudet og hjartet – og kvar vakt utgjer ein skilnad.</p><p><strong>Kva får du med å jobbe hos oss?</strong></p><p>Du vil jobbe i eit engasjert team med både legar og sjukepleiarar der samspel og tillit er grunnlaget for kvardagen. Her får du høve til å utvikla deg vidare innan akuttmedisin og legevaktsarbeid, med støtte og opplæring tilpassa deg og din erfaring. Me er stolte av arbeidsmiljøet vårt – det er prega av fagleg tyngde, rausheit og humor. Det er stor variasjon i arbeidsdagane, noko som krev sjølvstende, raske vurderingar og evne til å halde roen – men også gir mykje tilbake i form av læring og fagleg vekst.</p><p>Etne og Vindafjord legevakt er ei interkommunal legevaktordning med base i Vindafjord beredskapssenter, samlokalisert med Ølen legekontor – i nye, moderne og godt utstyrte lokale. Me er totalt 18 fastlegar og 6 sjukepleiarar i turnus.</p><p>Du blir ein viktig del av teamet på vakt. Du vil vurdere pasientar, prioritere etter alvorlegheitsgrad, samarbeide tett med lege og legevaktsentral, og vera med på å sikre at pasientar får rett hjelp til rett tid.</p><p><strong>Hovudarbeidsoppgåver</strong></p><ul><li>Jobbe i team med lege på vakt.</li><li>Prioritere rett pasient til rett tid.</li><li>Ta anamnese og vurdera tiltak.</li><li>Ivareta pasient og pårørande ved behov.</li><li>God og kontinuerlig kommunikasjon med legevaktsentralen.</li><li>Kontrollere og følge opp daglige,veke og månadlege prosedyrar og kontroller.</li><li>Laberatoriearbeid.</li></ul><p><strong>Kvalifikasjonar</strong></p><ul><li>Du har autorisasjon som sjukepleiar.</li><li>Sjukepleiarar med vidareutdanning i akuttsjukepleie eller legevakt er ønskeleg, men ikkje eit krav.</li><li>Du må kunne godt norsk, både munnleg og skriftleg, og ha gode engelskkunnskapar. Skriftspråket hjå oss er nynorsk. </li></ul><p><strong>Personlege eigenskapar:</strong></p><ul><li>Du har eit godt klinisk blikk, er trygg i vurderingar og trivst med å jobbe både sjølvstendig og i team.</li><li>Du handterer stress, kommuniserer godt og møter folk med respekt – også når det hastar.</li></ul><p>Personlege eigenskapar vil bli vektlagt.</p><p><strong>Me kan tilby:</strong></p><ul><li>Ein meiningsfull jobb der du verkeleg får brukt sjukepleiarfaget.</li><li>Eit fagmiljø som støttar deg – både i startfasen og vidare.</li><li>Moglegheit for etter- og vidareutdanning i tråd med kompetanseplan.</li><li>Gode kollegaer som bryr seg, og eit godt sosialt miljø.</li><li>Gratis parkering.</li><li>Frisk treningssenter tilbyr bedriftsrabatt.</li><li>Tilbod om bedriftskunstlag og kommunalt kor (KORe’ Vindafjord).</li><li>Offentleg tenestepensjon og gode forsikringsordningar.</li><li>Lønn etter tariff.</li></ul><p><strong>Andre opplysningar:</strong></p><ul><li>Det er eit krav om godkjent politiattest for den som tilsettes i stillinga.</li><li>Det er eit krav om at ein fyller ut egenerklæringsskjema for MRSA og tuberkulinstatus, før tiltredelse. </li></ul><p><strong>Slik søker du: </strong></p><p>Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.</p><p>Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.</p><p> </p></div></div></div></div> <br /> Link til søknadsskjema: <a href="https://vindafjord.easycruit.com/vacancy/application/3633537/229843?channel&#61;NavRest&amp;iso&#61;nn" rel="nofollow">Søk her</a>