ID 1068 Barnehagelærar, 80% vikariat i Svingen barnehage

<p>Svingen barnehage har ledig 80 % vikariat som barnehagelærar frå 10.08.26 til 24.12.26, med mogleheit for forlenging ut barnehageåret.</p> <p>Svingen barnehage har eit flott nybygg som sto ferdig hausten 2023. Dette er ein kommunal barnehage i Fitjar kommune. Den ligg like utanfor Fitjar sentrum, og vil til hausten 2026 ha fire avdelingar.</p> <p>Barnehagen ligg i eit vakkert naturområde nær bustadområdet Rossneset. Den ligg fint plassert i ei naturtomt med kort veg til utmark, sjø, skog og fjell. Dei tilsette er opptekne av å skape eit godt fagleg og sosialt miljø. I dei to neste åra skal barnehagen vera med i eit læringsmiljøprosjekt initiert av UDIR og statsforvaltaren i Vestland. Alle barnehagane og skulane i Fitjar kommune skal delta her. Hovudoverskrifter i prosjektet er psykososialt barnehage- og skulemiljø.</p> <p><strong>Kvalifikasjonar:</strong></p> <ul><li> <p>Barnehagelærar</p> </li><li> <p>Eventuell anna pedagogisk utdanning på høgskulenivå med tilleggsutdanning i barnehagepedagogikk på 60 studiepoeng.</p> </li><li> <p>God IKT kompetanse</p> </li></ul> <p><strong>Arbeidsoppgåver:</strong></p> <ul><li> <p>Gi omsorg og støtte til barn i alderen 0-6 år</p> </li><li> <p>Utvikle, støtte og rettleie barns leik</p> </li><li> <p>Bidra til å skape aktivitetar i kvardagen saman med barna</p> </li><li> <p>Bidra med det pedagogiske arbeidet på avdelinga, og motivera medarbeidarar til utvikling og målretta arbeid til det beste for barna</p> </li><li> <p>Samarbeid med føresette</p> </li></ul> <p><strong>Vi søkjer deg som:</strong></p> <ul><li> <p>Er påliteleg, stabil og ansvarsfull</p> </li><li> <p>Evne til å ta initiativ og arbeide målretta og sjølvstendig</p> </li><li> <p>Arbeidsglede, er fleksibel og viser god relasjonskompetanse</p> </li><li> <p>Står trygt i deg sjølv og handlar ut frå barns beste</p> </li><li> <p>Bidrar til eit godt arbeidsmiljø ved å vere open, ærleg og reflektert</p> </li><li> <p>Evne til å bidra til at barn opplever meistring og glede</p> </li><li> <p>Trivst med å vere ute store delar av dagen, uavhengig av ver og årstid</p> </li></ul> <p><strong>Vi tilbyr:</strong></p> <ul><li> <p>Godt, trygt arbeidsmiljø med imøtekomande tilsette som bryr seg om kvarandre og barna sitt beste</p> </li><li> <p>Lønns- og pensjonsavtale i tråd med hovudtariffavtalen</p> <br /> </li></ul> <p>I tillegg til formell utdanning og praksis vert det lagt vekt på personlege eigenskapar.</p> <p>Den som blir tilsett må leggje fram gyldig politiattest. Aktuelle søkjarar vil bli kalla inn til intervju.</p> <p>Søknadsskjema skal fyllast ut med referansar <strong>og oppdatert CV.</strong></p>