Har du eit klart hovud og varmt hjarte?

<div><div><div><div>Er du engasjert i barn og unge og vil ha ein meiningsfull og viktig jobb? Me har ledig to faste 100% stillingar som kontaktpersonar (sakshandsamarar) i Etne Vindafjord barnevernteneste i perioden.</div></div></div></div><div><div><div> </div><div><strong>Etne Vindafjord barnevernteneste er samansett av ulike team:</strong></div><ul><li>Melding, undersøking og hjelpetiltak (MUT).</li><li>Omsorg (oppfølging av barn i fosterheim og andre plasseringar utanfor heimen) og ettervern (oppfølging av ungdom mellom 18 og 25 år).</li><li>Miljøarbeidarar (tiltak i form av oppfølging i heimen, oppfølging i ettervern og tilsyn under samvær)</li></ul><div>Barneverntenesta mottek rettleiing og miljøterapeutiske tiltak frå Familieteamet i kommunen. Hjå oss er me opptekne av brukarmedverknad, samarbeid med familien og barnets stemme. Dette forutsett at våre tilsette har gode kommunikasjonsferdigheiter, evne til å danne relasjonar og har eit positivt menneskesyn.</div><div> </div><div>I arbeidet i barneverntenesta møter ein menneske i kriser og ein involverar seg i komplekse familiesituasjonar. Då er det viktig at ein kan vera omsorgsfull og tydeleg, og at ein evnar å handtere og tåle konfliktar og sterke kjensler.</div><div> </div><div>Kvardagen i barneverntenesta er prega av varierte dagar, både i høve arbeidsoppgåver og tidspress. Ein må trivast med eit høgt tempo og evne å strukturere sin eigen arbeidskvardag. Som kontaktperson i barneverntenesta må ein vera robust og ha fokus på sjølvivaretaking. Tenesta er opptekne av oppfølging av dei tilsette både i høve deira faglege utvikling, oppfølging i sakene og personleg utvikling. Dette føregår i individuell rettleiing, fagmøte i tenesta, fagutvikling for team eller heile tenesta, og i fellesskapet med kollegaer.</div><div> </div><div>Arbeidet utførast i hovudsak på dagtid, men nokon timar med ettermiddag/kveldsarbeid må påreknast.</div><div> </div><div>Me treng nokon som evnar å jobbe målretta og som kan konkretisere og dokumentere arbeid og utvikling i saker. Barneverntenesta har ei omfattande dokumentasjonsplikt og ein må vera førebudd på kontinuerleg skrivearbeid som ein del av kvardagen. Ein del av dokumentasjonsarbeidet handlar om å analysere og vurdere dei opplysningar ein har, for å gjere barnevernfaglege vurderingar utifrå barnets beste. Godt arbeidsmiljø er ein viktig føresetnad for å gjere ein god jobb, å gje god oppfølging til brukarane våre og å utvikle seg fagleg. Etne Vindafjord barnevernteneste mottok i 2024 arbeidsmiljøprisen for Vindafjord kommune og me jobbar målretta med å ha eit positivt og ivaretakande arbeidsmiljø.</div><div><strong> </strong></div><div><strong>Hovudarbeidsoppgåver:</strong></div><ul><li>Sakshandsaming knytt til barnevernlova og oppfølging av enkeltsaker.</li><li>Oppfølging av saker inneber samtalar med barn, samtalar med foreldre, observasjonar av samspel, heimebesøk og tilsynsbesøk.</li><li>Deltaking i og leiing av samarbeidsmøte med instansar.</li><li>Skriftleg dokumentasjon av barneverntenesta sitt arbeid og våre vurderingar fortløpande.</li><li>Førebuing til og vitnemål i rettsprosessar for nemnd og tingrett.</li></ul><div><strong>Kvalifikasjonar:</strong></div><ul><li>Treårig høgskuleutdanning, fortrinnsvis bachelor i barnevern eller sosionom. Andre relevante utdanningar kan vurderast.</li><li>God formidlingsevne i norsk, munnleg og skriftleg. Skriftspråket i kommunen er på nynorsk.</li><li>Førarkort klasse B.</li><li>Det må framvisast politiattest for å jobba i barneverntenesta.</li></ul><div><strong>Personlege eigenskapar:</strong></div><ul><li>Trygg og tillitsvekkande.</li><li>Positiv og løysingsorientert.</li><li>Evne til å jobba effektivt og strukturere eigen arbeidsdag.</li><li>Evne til å jobbe sjølvstendig, men også vera ein del av eit fagleg team.</li><li>Evne til nytenking, kritisk refleksjon og opptatt av personleg fagleg utvikling.</li><li>Evne til å motivere for endring og å sjølv vera endrings- og utviklingsfokusert.</li><li>Evne til samarbeid med familiar, samarbeidspartnarar og kollegaer.</li><li>Ei god kollega og ei støtte for dine medarbeidarar.</li><li>Opptatt av eit positivt menneskesyn og brukarmedverknad.</li></ul><div>Personlege eigenskapar vil bli særskilt vektlagt.</div><div> </div><div><strong>Me kan tilby:</strong></div><ul><li>Eit kollegafellesskap som består av engasjerte og faglege sterke sosialarbeidarar som er opptekne av å gjere ein forskjell for familiane me jobbar med og for å skape ein god arbeidsplass.</li><li>God opplæring over tid og tilbod om relevant fagleg påfyll og moglegheit for ulike former for kompetanseheving. Til dømes vidareutdanningar og ulike kurs og sertifiseringar.</li><li>Tilhøyra i eit team der ein får drøfte faglege synspunkter og utfordringar, samt lære av kvarandre.</li><li>Tett oppfølging frå kollegaer i kvardagen og jamleg individuell rettleiing, både i opplæringa og i arbeidskvardagen vidare.</li><li>Ein fleksibel og variert arbeidskvardag, der ein får vera med å forma arbeidsdagane sjølv.</li></ul><div><strong>Som tilsett i Vindafjord kommune:</strong></div><ul><li>Kjekke ansattgoder som blant anna gratis parkering.</li><li>Moglegheit for å bli med i bedriftskunstlaget og kommunalt kor (<a href="https://www.korevindafjord.no/" rel="nofollow">KORe’ Vindafjord</a>).</li><li>Ein av Norges sikraste pensjonsordningar: offentleg tenestepensjon. </li><li>Forsikringsordningar som gruppelivsforsikring, yrkesskadeforsikring og tenestereiseforsikring.</li><li>Lønn etter gjeldande tariff og avtaleverk.</li></ul><div><strong>Slik søker du: </strong></div><div>Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.</div><div> </div><div>Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.</div></div></div> <br /> Link til søknadsskjema: <a href="https://vindafjord.easycruit.com/vacancy/application/3643223/229867?channel&#61;NavRest&amp;iso&#61;nn" rel="nofollow">Søk her</a>