Fysioterapeut - 100% vikariat 

<h2>Om stillinga</h2><p>Vi har ledig svangerskapsvikariat som kommunal fysioterapeut i 100 % stilling frå 01.09.2026 til 15.05.2027, med moglegheit for forlenging.</p><p>Fysioterapeuten skal ha ansvar for fysioterapioppfølging av heimebuande og institusjonsbebuarar – vaksne og eldre – både individuelt og i grupper.</p><p>Stillinga er organisert under ergo- og fysioterapitenesta i Osterøy kommune, med base ved Osterøytunet, sjukeheimen i kommunen.</p><p>Tenesta skal halde høg fagleg kvalitet og sikre den einskilde brukaren eit forsvarleg fysioterapitilbod tilpassa individuelle behov. Det vert lagt vekt på å fremje eigenmeistring og bidra til at eldre kan bu heime og vere sjølvstendige i eigen bustad så lenge som mogleg.</p><p>Stillinga er organisert i ergo- og fysioterapitenesta, der ergo- og fysioterapeutar arbeider tett saman med serviceteknikar og aktivitør i eit tverrfagleg team.</p> <p><strong>Om oss</strong></p><p>Ergo- og fysioterapitenesta i Osterøy kommune består av ergo- og fysioterapeutar, aktivitør ved Osterøytunet og serviceteknikarar ved kommunen sitt korttidslager for hjelpemiddel og mottak av NAV-eigde hjelpemiddel.</p><p>Styrkane ved arbeidsplassen vår er mellom anna eit godt arbeidsmiljø prega av høg arbeidsmoral, tillit og trivsel.</p><p>Vi har varierte arbeidsdagar med stort spenn i alder, diagnosar, prognosar og tiltak hjå brukarane våre. Tenesta arbeider mellom anna med førebygging, behandling – individuelt og i grupper – tilrettelegging, palliasjon og råd og rettleiing til samarbeidspartar.</p><p>Vi har stort fokus på tverrfagleg og tverretatleg samarbeid. Arbeidskvardagen er variert og i stadig utvikling, med nye utfordringar og endringar som gjer arbeidsplassen både lærerik og spennande.</p><p>Tenesta har brei fagleg kompetanse og arbeider kunnskapsbasert med fokus på oppdatert praksis. Vi tilstrebar gode kontorplassar og tilgang til nødvendige behandlingslokale og utstyr.</p><br /><h2>Arbeidsoppgåver</h2><ul><li>Hovudansvar for vaksne og eldre, inkludert korttids-/rehabiliteringsavdeling ved Osterøytunet og kvardagsrehabiliteringstilbod.</li><li>Kartlegge den einskilde deltakar sine mål, ønskjer og moglegheit for aktivitet.</li><li>Planlegge, rettleie, igangsette eigna behandling/tilbod, samarbeide tett med kollegaer– internt og eksternt.</li><li>Arbeide tverrfagleg– planlegge, organisere og koordinere eigne oppgåver.</li><li>Dokumenterei ulike fagsystem.</li><li>Andre oppgåver etter avtale med avdelingsleiar for ergo- og fysioterapitenesta.</li><li>Vi arbeider mellom anna med førebygging, behandling–individuelt og i grupper, tilrettelegging, palliasjonogråd/rettleiing til andre samarbeidspartar.</li><li>Vihar varierte arbeidsdagar med stort spenn i alder, diagnosar, prognosar og tiltak hjå brukarane våre. </li></ul><br /><h2>Kvalifikasjonskrav</h2><ul><li>Godkjent fysioterapiutdanning – norsk autorisasjon.</li><li>Må ha gode kommunikasjonsevner og beherske norskgodt, munnleg og skriftleg. </li><li>Søkjarar frå utanfor Skandinavia må dokumentere kunnskap i norsk munnleg og skriftleg gjennom bestått prøve i nivå B2.</li><li>Ønskjeleg med relevant erfaring.</li><li>Førarkort klasse B, tenesta disponerer eigne el-bilar.</li><li>Politiattest som ikkje er eldre enn 3 md må framleggast om ein får tilbod om stillinga</li></ul><br /><h2>Vi søkjer etter deg som</h2><ul><li>Har evne til å arbeide sjølvstendig og tverrfagleg.  </li><li>Er ein god lagspelar og bidra aktivt til å ivareta eit godt arbeidsmiljø.  </li><li>Har god helse og kan handtere ein hektisk arbeidskvardag.  </li><li>Har eit positivt menneskesyn.  </li><li>Har godt humør, er fleksibel og påliteleg.  </li><li>Kan sette deg raskt inn i arbeidsoppgåver og arbeidsverktøy.</li><li>Det vert lagt vekt på at ein er personleg eigna til stillinga  </li></ul>Video: <a href="https://youtu.be/5TIhcmaLglY" rel="nofollow">https://youtu.be/5TIhcmaLglY</a><h2>Vi tilbyr</h2><ul><li>Ein variert arbeidskvardag i eit tverrfagleg team med stort fokus på tverrfagleg og tverretatleg samarbeid.</li><li>Eit godt arbeidsmiljø prega av høg arbeidsmoral, tillit og høg trivnad.  </li><li>Opplæring og rettleiing for å sikre god kvalitet i tenesta</li><li>Vi har mykje og variert fagleg kunnskap og kompetanse i tenesta, med fokus på kunnskapsbasert og oppdatert praksis.  </li><li>Vi møter stadig utfordringar og endringar, arbeidsplassen vår er aldri kjedeleg!</li><li>Tilstrekkeleg kontorplassar og behandlingslokale/- utstyr.  </li><li>Lønn etter tariff og offentleg pensjonsordning.</li></ul><br />