Controller

<p>Me søkjer ein controller i 100% fast stilling som vil vere med på å styrkje økonomioppfølginga i kommunen, med særleg vekt på helse og omsorg. Du blir ein del av økonomiavdelinga og får samarbeide tett med leiarar og fagmiljø på tvers av organisasjonen.</p><p>Gjennom analysar, rapportering og styringsinformasjon skal du bidra til betre prioriteringar og god ressursbruk. Me ser etter deg som kan gjere tal til innsikt – og innsikt om til betre prioriteringar.</p><p>Hos oss får du ein jobb med ansvar, påverknad og meining. Du får vere tett på avgjerder som betyr noko – både for tenestene og for innbyggjarane.</p><h2>Kva får du jobbe med hos oss?</h2><p>Du vil mellom anna:</p><ul><li>arbeide med økonomioppfølging i kommunen, med særleg vekt på helse og omsorg</li><li>bidra i arbeid med budsjett, økonomiplan, berekningar, rapportering og prognosar</li><li>utarbeide analysar, prognosar og styringsinformasjon</li><li>identifisere avvik, forklare utviklingstrekk og vurdere tiltak</li><li>vere ein fagleg sparringspartnar i økonomispørsmål</li><li>bidra til betre rutinar, arbeidsprosessar og verktøy innan økonomistyring</li><li>utføre andre relevante oppgåver i økonomiavdelinga ved behov</li></ul><h2>Me kan tilby</h2><ul><li>ei stilling med stort handlingsrom og moglegheit til å påverke korleis rolla blir utvikla</li><li>ein jobb der du får vere med og styrkje økonomioppfølginga i kommunen</li><li>tett samarbeid med leiarar og fagmiljø i ein organisasjon med viktige samfunnsoppdrag</li><li>varierte arbeidsoppgåver som betyr noko for både tenestene og innbyggjarane</li><li>fagleg utvikling og eit godt arbeidsmiljø</li><li>ei av Noregs sikraste pensjonsordningar: offentleg tenestepensjon</li><li>forsikringsordningar som gruppelivsforsikring, yrkesskadeforsikring og tenestereiseforsikring</li><li>lønn etter gjeldande tariff og avtaleverk</li></ul><h2>Kvalifikasjonar</h2><p>Me ser etter deg som har:</p><ul><li>høgare utdanning på masternivå, gjerne innan rekneskap, revisjon eller samfunnsøkonomi, men andre spesialiseringar innan økonomi blir også vurderte</li><li>god forståing for økonomistyring og analyse</li><li>god digital kompetanse og systemforståing</li><li>god munnleg og skriftleg framstillingsevne på norsk</li></ul><p>Skriftspråket i kommunen er nynorsk.</p><p>Det er ein fordel om du også har:</p><ul><li>erfaring med budsjettarbeid, økonomioppfølging eller analyse</li><li>erfaring frå offentleg sektor eller større verksemder</li><li>gode ferdigheiter i Excel</li><li>kjennskap til Power BI eller liknande verktøy</li></ul><p>Nyutdanna er også velkomne til å søkje. Har du rett utdanning, motivasjon og vilje til å lære, vil du få støtte og moglegheit til å utvikle deg i rolla.</p><h2>Kven er du?</h2><p>Me trur du vil passe godt hos oss dersom du:</p><ul><li>er analytisk og strukturert</li><li>likar å finne forklaringar, samanhengar og moglegheiter i talmateriale</li><li>kommuniserer tydeleg og gjer økonomi forståeleg for andre</li><li>tek initiativ og ønskjer å forbetre måtar å jobbe på</li><li>trivst med samarbeid, men også jobbar godt sjølvstendig</li></ul><p>Me legg stor vekt på personlege eigenskapar.</p><h2>Slik søkjer du</h2><p>Vindafjord kommune tek berre imot elektroniske søknader via søknadssenteret vårt. Du kan laste opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søkje.</p><p>Du kan koma med på offentleg søkarliste sjølv om du har bede om unntak. Me tek kontakt før ei eventuell offentleggjering.</p> <br /> Link til søknadsskjema: <a href="https://vindafjord.easycruit.com/vacancy/application/3635359/229881?channel&#61;NavRest&amp;iso&#61;nn" rel="nofollow">Søk her</a>