Avdelingsleiarar i heimesjukepleien

<div><div><p>Heimesjukepleien i Sogndal kommune skal styrke drifta og lyser no ut 2 stillingar som avdelingsleiar.  <br /><br />Som avdelingsleiar får du ei sentral rolle i den nye driftsriggen for heimesjukepleien.   </p></div><div><p>Heimesjukepleien har stor breidde i oppgåvene og i brukargruppa. Me leverer helsehjelp og oppfølging til innbyggjarar som treng tenester i eigen heim, og arbeider for at flest mogleg skal kunne bu trygt heime så lenge som mogleg. Arbeidskvardagen er variert, og du må trivast med både folk, fag, drift og dei avklaringane som må takast undervegs.  </p></div><div><p><strong>Om rolla</strong><strong> </strong><br />Som avdelingsleiar har du personalansvar og eit viktig ansvar for at avdelinga fungerer godt i det daglege. Du skal vere tett på medarbeidarane, bidra til god struktur og vere med og byggje ei teneste der folk kjenner ansvar, meistring og retning. <br /><br />Du må like å leie andre og vere oppteken av å få fram det beste i dei du har rundt deg. Samstundes må du tole å stå i avgjerder, handtere krevjande situasjonar og samarbeide godt på tvers for å finne løysingar som fungerer for både tilsette og innbyggjarar.  </p></div><div><p><strong>Arbeidsoppgåver</strong><strong> </strong><br />Som avdelingsleiar vil du mellom anna ha ansvar for: </p></div><div><ul><li><p>Personalansvar og oppfølging av medarbeidarar </p></li></ul></div><div><ul><li><p>Turnusarbeid og bemanningsplanlegging </p></li></ul></div><div><ul><li><p>Å bistå gruppeansvarleg i vanskelege saker </p></li></ul></div></div><div><div><ul><li><p>Samhandling med tenesteleiar, fagansvarleg sjukepleiar, driftskoordinatorar og andre samarbeidspartar </p></li></ul></div><div><p>Andre oppgåver kan kome til som del av den samla drifta i heimesjukepleien. <br /><br /><strong>Kvalifikasjonar</strong><strong> </strong><br />Me ser etter deg som har: </p></div><div><ul><li><p>Relevant leiarutdanning eller dokumentert leiarerfaring frå helse- og omsorgssektoren </p></li></ul></div><div><ul><li><p>Erfaring frå endringsarbeid </p></li></ul></div><div><ul><li><p>Erfaring med personaloppfølging, økonomistyring og ressursplanlegging </p></li></ul></div><div><ul><li><p>God munnleg og skriftleg framstillingsevne på norsk </p></li></ul></div><div><ul><li><p>Førarkort </p></li></ul></div><div><p>Det er ynskjeleg med erfaring frå helse og omsorg, eller helsefagleg utdanning.  </p></div><div><p><strong>Personlege eigenskapar</strong><strong> </strong><br />For å trivast i rolla bør du vere trygg i møte med folk og tydeleg i måten du leier på. Du må kunne lytte, prioritere og ta avgjerder når det trengst.  </p></div></div><div><div><p>Personlege eigenskapar vil bli sterkt vektlagde.  </p></div><div><p><strong>Me tilbyr</strong><strong> </strong><br />Hos oss får du ei leiarrolle tett på både folk og drift. Du blir med på å utvikle heimesjukepleien vidare, i ei tid der gode strukturar, god samhandling og rett bruk av kompetanse blir stadig viktigare.  </p></div><div><p>Du får: </p></div><div><ul><li><p>Ei viktig leiarrolle i heimesjukepleien </p></li></ul></div><div><ul><li><p>Eit fagmiljø med brei kompetanse </p></li></ul></div><div><ul><li><p>Gode pensjons- og forsikringsordningar </p></li></ul></div><div><ul><li><p>Gode velferdsordningar </p></li></ul></div><div><ul><li><p>Løn etter avtale </p></li></ul></div><div><p><strong>Litt om oss</strong><strong> </strong><br />Sogndal kommune har om lag 12 000 innbyggjarar og rundt 1300 medarbeidarar. Me er regionsenteret i Sogn, og vertskommune for over 3000 studentar gjennom studieåret.  </p></div></div><div><p>Kvar dag leverer me tenester til innbyggjarar i ulike livsfasar. Me ønskjer å vere ein kunnskapsbasert og framtidsretta kommune, og treng medarbeidarar som vil vere med og utvikle gode tenester vidare.  </p></div><div><p>Me ønskjer eit arbeidsmiljø prega av mangfald, og at tilsette skal spegle folkesetnaden elles. Me oppmodar alle som er kvalifiserte til å søkje jobb hos oss, uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.  </p></div><div><p>Administrasjonsmålet i kommunen er nynorsk. Alle nytilsetjingar blir gjorde med ei prøvetid på 6 månader. </p></div><div><p>I følgje offentleglova § 25, 2. ledd kan opplysningar om søkjaren bli offentleggjorde, sjølv om du har oppmoda om ikkje å bli ført på offentleg søkjarliste.   <br /><br />Dersom du har bedt om unntak frå offentleg søkjarliste, vil du alltid bli varsla før søkjarlista blir offentleggjord.  <br /><br />Søknad må leverast innan fristen og sendast inn via rekrutteringssystemet vårt. </p></div> <br /> Link til søknadsskjema: <a href="https://sogndal.easycruit.com/vacancy/application/3632529/198627?channel&#61;NavRest&amp;iso&#61;nn" rel="nofollow">Søk her</a>