100% fast stilling som psykiatrisk sjukepleiar

<p>Brenn du for psykisk helse og rusfeltet? Ynskjer du å hjelpe personar i ein vanskeleg situasjon? Har du lyst å jobbe innan fagområde psykisk helse og rus?<br /><br />No har me ledig 100% fast stilling som psykiatrisk sjukepleiar i psykisk helseteam.<br /><br />Psykisk helseteam er eit lågterskeltilbod til vaksne over 18 år i Sogndal kommune som har utfordringar innan psykisk helse og-/eller med rusmiddelbruk. Tilbodet består av individuell oppfølging, hovudsakleg i form av samtalar. Tenesta følgjer opp brukarar som til dømes har utfordringar innan angst, depresjon, livskriser, utmatting og problematisk rusmiddelbruk eller annan avhengigheit.<br /><br />Psykisk helseteam har tett samarbeid med Rask psykisk helsehjelp og aktivitetstilbod innan psykisk helse og rus. Psykisk helseteam har tilsette i Sogndal, Leikanger og Balestrand. Stillinga har kontorstad på Leikanger.<br /><br />Som ein del av psykisk helseteam skal du bidra til at psykisk helse- og rustenesta gir eit godt tilbod til innbyggjarar i Sogndal kommune i form av førebygging og behandling av psykisk helse- og rusutfordringar. Dette inneber å bidra til vidareutvikling av tenesta i tråd med nasjonale føringar.<br /><br />Dersom det i tilsettingsperioden blir ledige andre stillingar i psykisk helse og rustenesta, kan søkjarar bli vurdert til desse.</p><p><strong>Arbeidsoppgåver og ansvar:</strong></p><ul><li>Kartlegge brukar sitt behov og gi individuelt tilpassa oppfølging</li><li>Støttesamtalar og hjelp i kvardagen</li><li>Delta i ansvarsgrupper</li><li>Pårørandearbeid</li><li>Ha samarbeid med andre tenester i kommunen, spesialisthelsetenesta, NAV m.m.</li></ul><p><strong>Kvalifikasjonar:</strong></p><ul><li>Norsk autorisasjon som sjukepleiar.</li><li>Vidareutdanning innan psykisk helse og/eller rusproblematikk</li><li>Erfaring frå arbeid innan psykisk helse og rus vil vere eit føremon</li><li>Kjennskap til Gerica</li><li>Førarkort klasse B</li><li>Gode norsk kunnskapar</li><li>Politiattest av nyare dato ved tilsetting</li></ul><p><strong>Personlege eigenskapar:</strong></p><ul><li>Evne til å arbeide målretta, strukturert, fleksibelt, sjølvstendig og i team.</li><li>Har god relasjonskompetanse</li><li>Er fleksibel og reflektert, og kan takle uforutsette situasjonar</li><li>Gode samarbeidsevner og samstundes vere audmjuk for andre sin kompetanse og erfaringar</li><li>Personlege eigenskapar vil i stor grad bli vektlagd</li></ul><p><strong>Me tilbyr:</strong></p><ul><li>Varierte og spanande arbeidsoppgåver i ei teneste i utvikling</li><li>Samarbeid med faglege dyktige medarbeidarar</li><li>Eit godt arbeidsmiljø</li><li>Gode pensjons- og forsikringsordningar</li><li>Gode velferdsordningar</li><li>Arbeidstid på dagtid</li><li>Lønn etter tariffavtale</li></ul><p>Me ønskjer eit arbeidsmiljø prega av mangfald, og at våre tilsette skal spegla folkesetnaden elles. Me oppfordrar alle som er kvalifisert til å søkja jobb hos oss uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.<br /><br />Administrasjonsmålet i kommunen er nynorsk. Alle nytilsetjingar vert gjort med ei prøvetid på 6 månader.<br /><br />Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort, sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.<br /><br />Søknadar må leverast innan fristen og må sendast inn via rekrutteringssystemet vårt EasyCruit.</p> <br /> Link til søknadsskjema: <a href="https://sogndal.easycruit.com/vacancy/application/3636215/205487?channel&#61;NavRest&amp;iso&#61;nn" rel="nofollow">Søk her</a>